ಕಲಬುರಗಿ: ಭಾರತೀಯ ರೈಲ್ವೆ ಇಲಾಖೆಯ ಸೋಲಾಪುರ ರೈಲ್ವೆ ವಿಭಾಗೀಯ ಸಲಹಾ ಸಮಿತಿಗೆ ಇಲ್ಲಿನ ಯುವ ಹೋರಾಟಗಾರ,ಯುವ ಉದ್ಯಮಿ ಸಮಾಜಮುಖಿ ಕಳಕಳಿಯ ಯುವ ನೇತಾರ, ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ (ರಿ.) ನಗರ ಯುವ ಘಟಕದ ಅಧ್ಯಕ್ಷರಾದ ಶಾಂತರೆಡ್ಡಿ ಪೆಠಶಿರೂರ ಅವರನ್ನು ನೇಮಕ ಮಾಡಲಾಗಿದೆ.
ಎರಡು ವರ್ಷದ ಅವಧಿಗಾಗಿ ಶಾಂತರೆಡ್ಡಿ ಪೆಠಶಿರೂರ ಅವರನ್ನು ನೇಮಕ ಮಾಡಲಾಗಿದ್ದು, ಸಲಹಾ ಸಮಿತಿಯಿಂದ ರೈಲ್ವೆ ಯಾತ್ರಿಕರಿಗೆ ಸವಲತ್ತುಗಳು, ಅಂದರೆ ಉಪಹಾರ ಕೇಂದ್ರಗಳು, ವ್ಯಾಪಾರ ಗುತ್ತಿಗೆದಾರರು, ಹೊರಗುತ್ತಿಗೆದಾರರು, ಸ್ವಚ್ಛತಾ ಗುತ್ತಿಗೆದಾರರು, ಇಂಜನಿಯರಿಂಗ್ ಗುತ್ತಿಗೆದಾರರು, ಮತ್ತು ಯಾತ್ರಿ ಏಜನ್ಸಿಗಳಿಂದ ಉತ್ತಮ ಸೇವೆ ನೀಡುವುದನ್ನು ಗಮನಿಸಬೇಕು. ನಿತ್ಯ ಸಂಚರಿಸುವ ಯಾತ್ರಿಕರಿಗೆ ಯಾವುದೇ ತೊಂದರೆಯಾಗದಂತೆ ಸಲಹಾ ಸಮಿತಿಗೆ ನೀಡುವುದಾಗಿದೆ.
ಲೋಕಸಭಾ ಸದಸ್ಯರಾದ ರಾಧಾಕೃಷ್ಣ ದೊಡ್ಡಮನಿಯರ ನಿರ್ದೇಶನದಂತೆ ಶಾಂತರೆಡ್ಡಿ ಪೆಠಶಿರೂರ ಅವರನ್ನು ನೇಮಕ ಮಾಡಲಾಗಿದೆ ಎಂದು ಸೊಲಾಪೂರ ರೈಲ್ವೆ ವಿಭಾಗೀಯ ಹಿರಿಯ ವ್ಯವಸ್ಥಾಪಕರಾದ ಜಯದೀಪ್ ಸುನಿಲ್ ಪ್ರದಕ್ಷಿಣೆ ವಿಭಾಗೀಯ ವಾಣಿಜ್ಯ ಆದೇಶ ಹೊರಡಿಸಿದ್ದಾರೆ.
